Bayko

Bayko

प्रत्येक नव-याला वाटते की,

त्याची बायको डोक खाते..

का खरच ती अशी असते..??

पण दिसते तसे मुळीच नसते..!!

घरात आणखी कोण असते..

ज्याच्यावर ती हक्क गाजवते..

एक नवराच तिचा असतो..

ज्याच्या कडे ती मनातले बोलते..!!

तिच्या बोलण्या मागे खरे..

सा-यांबद्दल आत्मियता असते..

नाहीतर दाखवा मला..

घरात आणखी कोण राबते..!!

ऑफिस मधे तुमच्याकड़े....

एक आघाडी (डिपार्टमेंट) असते..

पण घरात मात्र ती..

अनेक आघाड्या एकाकी लढते..!!

सहाजिक तिची मदार तुमच्यावर असते..

भरवश्यावर तुमच्या ती सारे करते ..

मग जराश्या बोलण्याने सांगा..

तुमचे का हो तारतम्य सुटते..!!

क्षणाचा असतो रुसवा तिचा..

एका गज-यात पहा विरघळते..

दिवसभराचा क्षीण विसरून..

कुशीत रात्री कशी विसावते..!!

इतके सारे करून सांगा..

तिच्या हातात काय उरते..

आपण मात्र नेहमीच म्हणतो..

ही बायको सारखे डोक खाते..!!

Dedicated to respective wife...!

Bayko

Bayko

बायकोच्या मनात काय आहे
ते कुठल्या नव-याला
कधी कळल आहे का?

पण नव-याच्या मनात
काय आहे ते प्रत्येक
बायकोला मात्र कळत

येणा-या रविवारी
नव-याला माहित नसत

तो काय करणार आहे
पण बायकोला मात्र
सगळा प्रोग्राम माहित असतो

बायको म्हणजे
नव-याची पर्सनल
डायरीच असते

कधी काय हव, काय नको
कोणाचा वाढदिवस आहे,
कोणाच लग्न आहे ,
सगळ तिच्या डोक्यात
'सेव' केलेल असत
ते सुध्दा 'रिमांइडर सकट'

चोराची प्रत्येक चाल जशी
पोलिसाला कळते,
तस नव-याची बायकोला.
तिच्या कड़े सर्व पुरावे असतात.

पण जो पर्यंत नवरा काही
बोलत नाही, तो पर्यंत
बायकोमात्र गप्प असते.

एकदा का सापडलात
कि मग मात्र तुमची ख़ैर नसते.

हवामान खात्यापेक्षा
बायको दोन पावल पुढेच असते.

नव-याच्या चेह-यावरूनच
तिला भूतकाळ, वर्तमान, भविष्यकाळ
सगळ्याची कल्पना येते.
हो , आणी येणा-या प्रसंगासाठी
बाई अगोदरच सज्ज असते.

कधी नव-याला प्रेमाने गोंजारायच,
आणी कधी दम द्यायचा,
तर कधी अश्रुंच ब्रम्हाअस्त्र काढायच
हे ती जस अभिमन्यु
आईच्या पोटी चक्रव्युह भेदायला शिकला,
तस तिही शिकलेली असते.

पण बायको असते
म्हणून प्रत्येक नवरा
संसाराचा गाढा ओढत असतो.

बायको म्हणजे संसाररुपी शरीराच
ह्रदय असते, ती जोपर्यंत
असते तोपर्यंत संसार,
'संसार' असतो

जवळ असली की वसंत फुलतो,
दुर असली कि शिशीर बोचतो.

वेळ प्रसंगी नव-याला
फुलाप्रमाणे जपते,
समईतल्या वाती सारखी
नव-यासाठी जळते,

संकटामध्ये कधी दुर्गा होते,
तर मुलांनसाठी सरस्वती होते,
घरच्यांसाठी अन्नपूर्णा होते,
लक्ष्मी होऊन तीळ तीळ पैसा जमवते.

शेवटी यमालाही परत फिरायला
भाग पाडणारी बायकोच असते।

Bayko

Bayko

तिचं आपल्या आयुष्यात येणं,
किती किती सुखद असतं..
या नात्याला श्वासांशिवाय,
दुसरं कुठलंच नाव नसतं...

एका सुंदर क्षणी आपल्या,
घरामध्ये येते "ती"...
तिचं अख्खं आयुष्यच आपल्याला,
भेट म्हणून देते "ती"...

किती सहज बनवत जाते,
ती प्रत्येकाशी नातं....
बघता बघता अनोळखी घर,
तिचंच बनून जातं....

सुखामध्ये दुःखामध्ये,
'ती'च सोबत असते ना..
सगळं सहन करून ती,
तुमच्यासाठीच हसते ना...?

सकाळपासून रात्रीपर्यंत,
राबत असतात तिचे हात...
सासू-सासरे, मुलं, घर..
सतत असतं तिच्या मनात...

चहा, दूध, नाष्टा, डबे,
आंघोळीला गरम पाणी...
प्रत्येकाची करून कामे,
तिची मात्र मधाळ वाणी....

सगळ्यांत शेवटी झोपते ती,
सगळ्यांच्याही आधी उठून...
दिवसभर राबण्यासाठी,
ताकद एवढी आणते कुठून...?

घरामधलं सगळं आवरून,
कामांसाठी बाहेर पळते....
घरामध्ये नसते तेंव्हाच,
तिची खरी किंमत कळते...

घर होतं अस्ताव्यस्त,
घरामध्ये नसते जेंव्हा....
तिच्याशिवाय व्हायचं कसं...?
मनात आपसूक येतं तेंव्हा...

म्हणूनच ती परत येते,
घरामध्ये पदर खोचून....
बोलून दाखवते मलाच ती,
वरती हे टोचून टोचून...

की, "मी म्हणून टिकले..., दुसरी
केव्हाच गेली असती पळून....
माझे महत्त्व येत नाही,
अजून कसे तुम्हांला कळून...?"

राग-लोभ, रुसवे-फुगवे,
उणी-दुणी, मानपान...
प्रत्येकाला घेते समजून,
जुळवून घेते कित्ती छान...

थकूनभागून आल्यावर ती,
हसून, चहा देते आणून...
दिवसभराचे आपले कष्ट,
अलगदपणे घेते जाणून....

सगळं भांडण विसरून जेंव्हा,
घराशी ती एकरूप होते...
घर तिचंच होऊन जातं,
जेंव्हा ती कुशीत घेते.....

आयुष्यभर उपयोगी पडतं,
नेहमी तिचंच संसारी धोरण....
म्हणून प्रत्येक घरात सजतं,
"बायको" नावाचं मखमली तोरण....

ती आहे म्हणून आहे,
आपल्या घरादाराला किंमत....
तिला विरोध करण्याची इथं....
कुणात आहे हिंमत....?

कुठून येतात आयुष्यात आपल्या,
इतक्या समजूतदार मुली.....?
उगाच नाही म्हणत...
" घरोघरी मातीच्याच चुली...!!!"

क्षणांचीही साथ नव्हे,
साताजन्मांची ही सोबत असते....
"नवरा" आयुष्यभर "नवरा"च राहतो,
"नवरी मुलगी" मात्र "बायको" बनते....