Showing posts with label Malvani Kavita. Show all posts
Showing posts with label Malvani Kavita. Show all posts

Wednesday, 13 May 2015

Malvani Kavita

Malvani Kavita


पांदणीतून चलताना पतेरयाचो आवाज येता,
शरात काय राम नाय गावच माझा बरा होता  !!

खडखडे लाडू, गिलासात चाय,
गावचा भांडाण नाक्यावरच न्याय !
पिड्याची गाडी ढोरामागे जाय,
झाड्याक झाला की नदीकडे पाय !
पावसाच्या हौराचा पाणी माझ्या खळ्यात येता,
शरात काय राम नाय गावच माझा बरा होता  !!



ताटातल्या भाताक माशाचो वास,
घशाखाली उतारता सूकोच घास !
औशीन आठावल्यान की बाबल्याक ढास,
गुरांच्या गोठ्यात शेनाचो वास !
आजयेच्या गोधडीक प्रेमाची उब येता,
शरात काय राम नाय गावच माझा बरा होता !!

र्‍हाटाचा पाणी, म्हशीची धार,
शाळेक दांडी, मास्तरांचो मार !
एसटी ची गाडी, आठवड्याचो बाजार,
पायात नाय चप्पल, डोक्यावर भार !
ओसरीवर पडल्या पडल्या माका छान झोप लागता,
शरात काय राम नाय गावच माझा बरा होता !!



फाटफटीच होता कोंबड्याची बांग, 
देवळातलो धयकालो, भजनाची झांज !
रवळनाथाची पालखी, सातेरीचो मांड,
डुकराच्या शिकारीक ऊठवतत रान!
गूरवाचा गाराणा माका देवाकडे नेता,
शरात काय राम नाय गावच माझा बरा होता !!

पांदणीतून चलताना पतेरयाचो आवाज येता,
शरात काय राम नाय गावच माझा बरा होता  !!


Saturday, 1 November 2014

Malvani Kavita


Malvani Kavita


"गावपण"इसरान आम्ही,
घातलौ विकासाचो घाट.
पायार धोंडो मारून सोताच्या,
लावलौ सगळी वाट.



डायनिंग टेबला इली घरात,
रव्हले पुजेपुरते पाट
सोरकुल, मडके वांगडा संपलो,
उभ्या पंगतींचो थाट.

ग्यासची गाडी गावात इल्यार,
धरली चुलीनी वाट
मसनीत कपडे धुतल्यापासून,
आता दुखना नाय पाठ.

बजेटमधे बसले फ्रीज
आणि फुटान गेले माठ
एसी पंखे दिसले थयसुन
मेल्या वाऱ्याकच लागली नाट.



बाईर पंप जोडल्यापासून,
शाप गंजान गेलो राट.
कसलो सडो आणि कसली रांगोळी,
उठाकच वाजतत आठ.

पाटो वरवंटो मागरात पडलोहा,
मिक्सरा तूच काय वाटूचा तां वाट.
घिरटी जाती गेली काळाआड,
आता गिरणी सतराशे साठ.

व्हायन-मुसाळ लग्नापुरताच,
तावंय्  भाड्यान्  देता भट.
हातात आमच्या कायच रव्हाक नाय,
पण तेकाच म्हनतव "वट".

कधी टीवी, कधी मोबाइल,
पोरा घेवन बसतत नेट.
वर्षान कधीतरी होता त्येंची,
रानावना वांगडा भेट.



"गावपण" इसरान आम्ही
घातलव विकासाचो घाट.
पायार धोंडो मारून सोताच्या,
लावलव सगळी वाट.
खय नेउन ठेवलंय कोकणांक मी ?