Ayushya

आयुष्य 

आयुष्यभर सोबत असून,
जवळ कधी बसत नाही,
एकच घरात राहून आम्ही,
एकमेकांस दिसत नाही,

      हरवला तो आपसातला,
      जिव्हाळ्याचा संवाद,
      एकमेकांस दोष देऊन,
      नित्य चाले वादविवाद, 

धाव धाव धावतो आहे,  
दिशा मात्र कळत नाही,  
ह्रदयाचे पाऊल कधी,
ह्रदयाकडे वळत नाही, 

     इतकं जगून झालं पण,
     जगायलाच वेळ नाही,
     जगतो आहोत कशासाठी,
     काहीच कशाला मेळ नाही,

क्षण एक येईल असा,  
घेऊन जाईल हा श्वास,  
अर्ध्यावरच थांबलेला,  
असेल जीवन प्रवास,

       अजुनही वेळ आहे,
       थोडं तरी जगून घ्या,
       सुंदर अशा जगण्यला,
       डोळे भरून बघुन घ्या...