Chan Challai Mazha
खरं सांगू का तुम्हाला ?
छान चाललंय माझं
टेरेस गार्डन फ्लॅट , कारमधून फिरतो , विकेंडला मी फार्म हाउसवर राहातो
महिनाअखेर हप्ते भरुन
जीव माझा जातो
तरीही जगाला ओरडून सांगतोय
छान चाललय माझं
क्लास वनचा जॉब कार्पोरेट ऑफिस
हाय प्रोफाइल लोकांसोबत
रोज उठतो
बसतो
खोट्या प्रतिष्ठेपायी मी खरा चेहरा झाकतो
तरीही जगाला ओरडून सांगतोय
छान चाललय माझं
गावाकडची जमीन विकून
मुलाला ऑडी घेऊन दिली
वर्षाकाठी तीन लाख खर्च
वर शेतातली भाजी बंद झाली
तरीही जगाला ओरडून सांगतोय
छान चाललय माझं
चौसोपी वाडा सोडून
अपार्टमेंटला राहायला आलो
शंभर जोर
मारुन न दमनारा
आज दम्याचे औषध खाऊ लागलो
तरीही जगाला ओरडून सांगतोय
छान चाललय माझं
पोरगा झाला डॉक्टर,
पोरगी आय.टी. वाली
मराठी बोलता बोलता
जीभ इंग्रजीवर घसरली
इंग्रजीतलं संगळं आलं
पण रामरक्षा विसरली
तरीही जगाला ओरडून सांगतोय
छान चाललय माझं
फेसबूकवर शेकडो
मित्र
तरीही कट्ट्यावर एकटा बसतो
मीच केलेल्या विनोदावर
मीच खळखळून हसतो
तरीही जगाला ओरडून सांगतोय छान चाललय माझं
मी मुलाला स्थळ शोधतोय
तो वृद्धाश्रमांची माहिती घेतोय
आम्ही आमच्या घरात
आणि मुलगा हॉस्टेलवर राहतोय
तरीही जगाला ओरडून सांगतोय
छान चाललय माझं
No comments:
Post a Comment