मोबाईल
पप्पा सोडा मोबाईल
माझ्या सोबत बोला
थोडावेळ बागेमध्ये
खेळु आपण चला...!
सोबत तुम्हाला नेहमी
मोबाईल लागतो केवळ
घरी आल्यावर तरी
घ्या ना मला जवळ...!
रात्रभर मोबाईल
असतो तुमच्या उशाला
तरीसुद्धा दिवसभर
सोबत ठेवता कशाला...?
पप्पा आज मोबाईल
ऑफिसमध्ये विसरा
माझा चेहरा होईल
आनंदाने हसरा...!
दिवसभर मोबाईल
तुम्ही हातात धरता
माझे बोट धरून
सांगा कधी फिरता...?
पुढच्या जन्मी मला
मोबाईल व्हायच आहे
कारण मला दिवसभर
पप्पांसोबत रहायचं आहे...!
No comments:
Post a Comment